اسلام آباد : پاکستان میں گیس کے نئے ذخائر دریافت کرلئے گئے، شمالی وزیرستان میں شیوا 2 کنویں سے 0.607 ملین کیوبک فٹ یومیہ گیس حاصل ہوگی۔
تفصیلات کے مطابق ماڑی پٹرولیم نے شمالی وزیرستان سے گیس دریافت کرلی ، کمپنی کی جانب سے اعلامیے میں کہا گیا کہ شیوا 2 کنویں سے 0.607 ملین کیوبک فٹ یومیہ گیس حاصل ہوگی۔
اعلامیے میں کہنا تھا کہ گیس وزیرستان میں شیوا 2 کنویں کی کھدائی کے دوران دریافت ہوئی ، شیوا 2 کنویں کی کھدائی 2 جون 2023 کو شروع کی گئی تھی، کنویں کی 4577 میٹر تک کھدائی کی گئی۔
- Advertisement -
ماڑی پٹرولیم نے کہا کہ نئی دریافت سے ملکی گیس ذخائر میں بہتری آئے گی، اس علاقےمیں ماری پٹرولیم کے 55 فیصد شیئرز ہیں جبکہ او جی ڈی سی ایل کے35 فیصد اور او پی آئی کے10 فیصد شیئر زہیں۔
