The news is by your side.

Advertisement

اویس خان اور مریم انصاری کی دوستی محبت میں کیسے بدلی؟

کراچی: معروف اداکارہ مریم انصاری اور معین خان کے صاحبزادے اویس خان نے بتایا کہ شادی سے قبل دونوں کی کالج سے دوستی تھی جو رفتہ رفتہ محبت میں بدل گئی۔

تفصیلات کے مطابق اداکارہ مریم انصاری اور معین خان کے صاحبزادے اویس خان اے آر وائی نیوز کے پروگرام شان سحور میں شریک ہوئے اور اپنی محبت کی کہانی بتائی۔

اویس نے بتایا کہ دونوں کالج سے دوست تھے، اویس نے پہلے مریم کی ریگنگ کی تھی تاہم اس کے بعد جا کر معذرت کی اور پھر دونوں کی دوستی ہوگئی۔

مریم کا کہنا تھا کہ دونوں کھانے پینے کے بے حد شوقین تھے اور کینٹین میں جا کر بہت کھایا کرتے تھے۔

اس کے بعد اویس پڑھنے کے لیے لندن چلے گئے، اس دوران مریم نے بھی لندن جانے کی کافی کوشش کی لیکن ہر بار ان کا ویزا مسترد ہوجاتا۔

مریم نے بتایا کہ وہ اویس کے پاس جا کر ہی ویزا مسترد ہونے پر روتیں جس پر وہ انہیں تسلی دیتے کہ وہ انہیں لندن لے کر چلیں گے، اور پھر ایک دن انہوں نے شادی کی پیشکش کردی۔

یاد رہے کہ اویس خان اور مریم انصاری کچھ عرصہ قبل ہی رشتہ ازدواج میں منسلک ہوئے ہیں، ان کی شادی کی تصاویر سوشل میڈیا پر بے حد وائرل ہوئی تھیں اور مداحوں و دیگر افراد نے دونوں کے لیے نیک خواہشات کا اظہار کیا تھا۔

Comments

یہ بھی پڑھیں