انگلینڈ کے فاسٹ بولر مارک ووڈ کہنی میں انجری کے باعث پاکستان کیخلاف سیریز سے باہر ہوگئے۔
انگلش کرکٹ بورڈ (ای سی بی) کے جاری بیان میں کہا گیا ہے کہ فاسٹ بولر مارک ووڈ اس سال مزید کرکٹ نہیں کھیلیں گے۔
انگلش کرکٹ بورڈ کے مطابق فاسٹ بولر دورہ پاکستان اور نیوزی لینڈ میں شامل نہیں ہوں گے، وہ اگلے سال پاکستان میں چیمپئنز ٹرافی سے قبل واپسی کیلیے پُر امید ہیں۔
یاد رہے کہ انگلینڈ کے فاسٹ بولر کو اس سال ویسٹ انڈیز کیخلاف سیریز میں کہنی میں تکلیف کی شکایت ہوئی تھی۔
فاسٹ بولر نے تکلیف مینج کرتے ہوئے سری لنکا کیخلاف ٹیسٹ بھی کھیلا تاہم ٹیسٹ رپورٹ میں انکشاف ہوا ہے کہ فاسٹ بولر کی دائیں کہنی ”اسٹریس انجری“ کا شکار ہے۔
دوسری جانب پاک انگلینڈ سیریز کا ایک ٹیسٹ یو اے ای منتقل کرنے پر غور کیا جارہا ہے۔
ذرائع کا کہنا ہے کہ کراچی کا اسٹیڈیم تعمیراتی کام کی وجہ سے میزبانی نہیں کر سکتا صرف ملتان اور راولپنڈی کے اسٹیڈیم سیریز کیلئے دستیاب ہیں۔
پریکٹس کے دوران 2 کرکٹرز زخمی ہو گئے
اسلام آباد میں شنگھائی رابطہ کانفرنس کی وجہ سے پنڈی میں 2 ٹیسٹ کا انعقاد مشکل ہے۔ انگلینڈکی ٹیم کو آئندہ ماہ 3 ٹیسٹ سیریز کیلئے پاکستان آنا ہے۔
