اداکار گوہر رشید نے کبریٰ خان کو سالگرہ کی مبارک باد دیتے ہوئے اداکارہ کےلیے ایک پوسٹ شیئر کی، جس پر مداحوں نے دونوں کو شادی کرنے کا مشورہ دے دیا۔
پاکستانی فلم و ڈرامہ انڈسٹری کے معروف اداکار گوہر رشید اور اداکارہ کبریٰ خان کے درمیان گزشتہ کچھ مدت سے اچھی دوستی قائم ہے، اس دوستی کا ثبوت گوہر رشید کی جانب سے کبریٰ خان کی سالگرہ پر شیئر کیا گیا پیغام ہے۔
جس میں انہوں نے کبریٰ خان کے ساتھ ایک تصویر پوسٹ کرتے ہوئے کبریٰ خان کو سالگرہ کی مبارک دی اور لکھا کہ ‘کبریٰ اب تم میرے لیے اپنی اہمیت جانتی ہو’۔
اداکارہ کبریٰ خان کےلیے شیئر کی گئی گوہر رشید کی پوسٹ دیکھتے ہی دیکھتے وائرل ہوگئی جس پر مداحوں نے دونوں شخصیات کو شادی کرنے کا مشورہ دے دیا۔
View this post on Instagram
ایک صارف نے گوہر رشید کی پوسٹ پر تبصرہ کرتے ہوئے انھیں مشورہ دیا کہ شادی کرلو بھائی۔
عالیہ نامی صارف نے دونوں اداکاروں کو بہترین کپل قرار دیا جبکہ ایک صارف کا کہنا تھا کہ آپ دونوں ایک ساتھ بہت اچھے لگتے ہو۔
