The news is by your side.

Advertisement

کورونا کیسز میں اضافہ : کراچی کے ضلع شرقی میں پابندیاں نافذ

کراچی : کورونا کی دوسری لہر میں کیسز کی تعداد میں اضافے کے پیش نظر ڈپٹی کمشنر شرقی نے ضلع بھر میں پابندیاں نافذ کردیں اور کہا تمام شادی ہالز، ریسٹورنٹ، شاپنگ مالز رات 10 بجے بند کر دئیے جائیں۔

تفصیلات کے مطابق کوروناوائرس کاپھیلاؤ اور این سی او سی کی ہدایات کے پیش نظر ڈپٹی کمشنرشرقی نے ضلع بھرمیں پابندیا ں نافذ کردیں، پابندیاں 2نومبرسے تا حکم ثانی نافذ العمل رہیں گی۔

ڈپٹی کمشنرشرقی کی جانب سے حکم نامے میں کہا گیا ہے کہ تمام شادی ہالز،ریسٹورنٹ،شاپنگ مالزرات10بجےبندکردئیے جائیں جبکہ اسپتال، میڈیکل اسٹور،صحت عامہ کی سہولت فراہم کرنے والے ادارے کو مستثنیٰ قرار دیا گیا ہے۔

حکمنامہ کے مطابق پبلک ٹرانسپورٹ، بس اسٹاپ، مارکیٹوں میں ماسک پہننا لازمی ہوگا اور تمام تفریحی گاہیں اور پارکس شام6 بجے بند کردی جائیں جبکہ جاگنگ ٹریکس والے پارکس پابندی سے مستثنیٰ ہوں گے۔

یاد رہے این سی او سی نے کرونا کی تیزی سے بگڑتی صورت حال کے حوالے سے اجلاس کیا جس میں گھر سے باہر نکلنے والے شہریوں کے لیے ماسک لازمی قرار دینے کا فیصلہ کیا گیا تھا

این سی او سی نے شادی ہال، مارکیٹس اور مال رات دس بجے بند کرنے کی ہدایت کی اور شہریوں سے اپیل کی کہ وہ ایس او پیز پر عمل کریں بصورت دیگر صورت حال خطرناک ہوسکتی ہے۔

Comments

یہ بھی پڑھیں