لاہور کے علاقے گجرپورہ میں شادی کا جھانسہ دیکر بیوہ خاتون سے زیادتی کرنے والا اشتہاری گرفتار کرلیا گیا۔
اے آر وائی نیوز کے مطابق پولیس نے بتایا کہ ملزم اشرف نے3 ماہ قبل باغبانپورہ میں بیوہ خاتون کو شادی کا جھانسہ دیا تھا، ملزم نے شادی کاجھانسہ دیکر خاتون کو زیادتی کا نشانہ بنایا اور فرارہوگیا۔
پولیس کا اس حوالے سے کہنا ہے کہ اشتہاری ملزم اشرف باغبانپورہ تھانے کو مطلوب تھا، جسے گرفتار کرکے مزید کارروائی کا آغاز کردیا گیا ہے۔
واضح رہے کہ گزشتہ ماہ بھی لاہور میں طلاق یافتہ خاتون کو شادی کا جھانسہ دیکر متعدد بار زیادتی کرنے والے ایک اور ملزم کو گرفتار کیا گیا تھا، ملزم خاتون کے سابق شوہر کا دوست ہے۔
تفصیلات کے مطابق باغبانپورہ میں پولیس نے خاتون کو شادی کا جھانسہ دیکر زیادتی کرنے والے ملزم کو حراست میں لے لیا تھا۔
ایس ایس پی انویسٹی گیشن ڈاکٹر انوش مسعود نے واقعے کا نوٹس لیا تھا، انوش مسعود نے بتایا کہ ملزم طیب 24 سالہ خاتون کیسابق شوہر کا دوست ہے۔
ایس ایس پی انویسٹی گیشن کا کہنا تھا کہ ملزم نے طلاق یافتہ خاتون کوشادی کا جھانسہ دیکر متعدد بار زیادتی کا نشانہ بنایا، متاثرہ خاتون نے تھانہ باغبانپورہ میں زیادتی کامقدمہ درج کرایا تھا۔
شیو کروانے پر جھگڑا، حجام نے باپ بیٹی کو قتل کر دیا
جس کے بعد ایس ایس پی انویسٹی گیشن ڈاکٹرانوش مسعود نے واقعے کا نوٹس لیا تھا اور ملزم کو حراست میں لے لیا گیا تھا۔
