کراچی : مڈغاسکر کی لڑکی سے شادی کراچی کے نوجوان کو مہنگی پڑگئی، ناراض بیوی بیٹے کو اپنے وطن لے گئی۔
تفصیلات کے مطابق مڈغاسکر کی لڑکی سے شادی کراچی کے نوجوان کو مہنگی پڑگئی، دو سال بعد ہی شادی ناکام ہوگئی اور بیوی جعلی کاغذات پر ننھے بیٹے کو بیرون ملک لے گئی۔
عدالت نے فیصلہ دیا تھا بچہ ملک سے باہر نہیں جائے گا، اس کے باوجود لڑکی بچے کواپنے وطن لے گئی ، شباہت بیٹے سے ملنے کو بیتاب ہے۔
باپ ننھے بیٹے کے لیے عدالت میں رُل گیا، کراچی سٹی کورٹ میں انصاف کے لئے بھٹکتا نوجوان شباہت اصغر جس کی ناراض بیوی نے عدالتی احکامات کے برخلاف شباہت سے اس کے کمسن بیٹے جرار اصغر کو دور کر دیا۔
دادا بھی پوتے کے یوں چھن جانے پر بے حد غمزدہ ہیں، شبھات اصغر کے وکیل لیاقت اعوان کا کہنا ہے کہ شبھات کی ناراض بیوی کو ہی نہیں بلکہ ان کے ضمانتی کو بھی سزا بھگتنا ہوگی۔
شبھات اصغر نے ارباب اختیار سے مطالبہ کیا ہے کہ اس کی اس کے معصوم بچےسے ملاقات کرائی جائے اور اسے وطن واپس لایا جائے۔
