site
stats
پاکستان

ہم اےپی ایس کےمعصوموں کی قربانی ہمیشہ یاد رکھیں گے، مریم اورنگزیب

اسلام آباد : وفاقی وزیر اطلاعات و نشریات مریم اورنگزیب کا کہنا ہے کہ ہم اےپی ایس کےمعصوموں کی قربانی ہمیشہ یاد رکھیں گے۔

تفصیلات کے مطابق وزیرمملکت مریم اورنگزیب نے سانحہ اے پی ایس کی برسی پر اپنے پیغام میں کہا کہ ہم اے پی ایس کے معصوموں کی قربانی ہمیشہ یاد رکھیں گے، ہمارےجوانوں ،افسروں کی قربانیاں رائیگاں نہیں جائیں گی۔

مریم اورنگزیب کا کہنا تھا کہ آخری دہشت گرد کے خاتمے تک چین سے نہیں بیٹھیں گے۔

وزیرمملکت نے کہا کہ شہداکے خاندانوں کو سلام عقیدت پیش کرتی ہوں، شہداکے خاندانوں کاعزم قابل فخرہے۔

یاد رہے کہ 16 دسمبر 2014 کی صبح جب پشاور کے آرمی پبلک اسکول میں خون کی ہولی کھیلی گئی اور خود کو بہادر سمجھنے والے بزدل دہشتگردوں نے بچوں پر حملہ کیا سانحےمیں132طلبہ سمیت141افرادشہید ہوئے جبکہ اس بزدلانہ حملے میں متعدد طلبا زخمی ہوئے، واقعے نے پوری قوم کو جھنجھوڑ کر رکھ دیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top