لاہور: سینئر وزیر پنجاب مریم اورنگزیب نے کہا ہےکہ مستقبل میں پانی کی کمی جیسے چیلنجز کا سامنا کرنا پڑسکتا ہے۔
تفصیلات کے مطابق پنجاب کی سینئر وزیر مریم اورنگزیب نے ایک بیان میں کہا کہ مستقبل میں پانی کی کمی جیسے چیلنجز کا سامنا کرنا پڑسکتا ہے، موسمیاتی تبدیلی ایک اہم اور سنگین مسئلہ ہے۔
مریم اورنگزیب کا کہنا تھا کہ پاکستان موسمیاتی تبدیلی سے متاثر ممالک میں شامل ہے، ماحولیاتی آلودگی ایک اہم مسئلہ ہے، پنجاب میں موسمیاتی تغیر کے مسائل سے نمٹنےکیلئے اقدامات کیے جارہے ہیں۔
پنجاب کی سینئر وزیر کا کہنا تھا کہ موسمیاتی تبدیلی کے نقصانات سے نمٹنے کیلئے پالیسیاں بنانا ضروری ہے، پنجاب میں صنعتوں کی میپنگ کی جارہی ہے۔
انہوں نے کہا کہ پنجاب میں اینٹوں کے بھٹوں کو جدید ٹیکنالوجی پر منتقل کیا جارہا ہے، ماحولیاتی آلودگی کا باعث بننے والے بھٹوں کی کوڈنگ کی، ماحول کے تحفظ کیلئے ہنگامی اقدامات کرنا ضروری ہیں۔
مریم اورنگزیب نے مزید کہا کہ پنجاب میں پلاسٹک بیگ کے استعمال پر زیرو ٹالرنس پالیسی اپنائی جارہی ہے، ماحولیاتی آلودگی کا باعث بننے والے بھٹوں کو مسمار کیا گیا ہے۔
