لاہور : مسلم لیگ ن کی ترجمان مریم مریم اورنگزیب کا کہنا ہے کہ نواز شریف کوبیرون ملک لیجانے کے لیےائیر ایمبولینس کل لاہور پہنچے گی، ڈاکٹر نواز شریف کو طبی طور پر سفر کے لیے آج سے تیار کرنا شروع کریں گے۔
تفصیلات کے مطابق مسلم لیگ ن کی ترجمان مریم اورنگزیب نے نواز شریف کے بیرون ملک علاج پر بیان دیتے ہوئے کہا ڈاکٹروں کےمطابق نواز شریف جلد بیرون ملک منتقلی علاج کے لیے بہترہے، اولین چیلنج مرض کی درست تشخیص اورپلیٹ لیٹس میں کمی کی وجہ جاننا ہے۔
مریم اورنگزیب کا کہنا تھا کہ ہر گزرتے دن کے ساتھ نواز شریف کی صحت بگڑ رہی ہے ، نواز شریف کوبیرون ملک لیجانے کے لیے ائیرایمبولینس کل لاہور پہنچے گی، ڈاکٹر نواز شریف کو طبی طور پر سفر کے لیےآج سےتیار کرنا شروع کریں گے۔
ترجمان نے مزید کہا نواز شریف پہلے سےاسٹرائیڈزکی ہائی ڈوزپرہیں، اسٹرائیڈز اور دیگر ادویات سےنواز شریف کوسفر کے قابل بنایا جائے گا ، ڈاکٹروں نے گزشتہ روز ایئر ایمبولینس کا انتظام کرنے کا کہا تھا۔
مزید پڑھیں : نوازشریف کانام ای سی ایل سےنکالنے کا معاملہ، کابینہ کی ذیلی کمیٹی کااجلاس شروع
خیال رہے سابق وزیراعظم نواز شریف کا نام ای سی ایل سے نکالنے کے معاملے پر کابینہ کی ذیلی کمیٹی کا اجلاس جاری ہے ، کمیٹی نواز شریف کا نام ای سی ایل سے نکالنے پر سفارشات مرتب کرے گی اور سفارشات پر فیصلہ وزیراعظم عمران خان کی زیرصدارت کابینہ اجلاس میں ہوگا۔
ترجمان نون لیگ مریم اورنگزیب کا کہنا تھا کہ شہباز شریف کے نمائندے آج کابینہ کی ذیلی کمیٹی میں جائیں گے، ڈاکٹر عدنان نواز شریف کی صحت، عدالتی احکامات کی تفصیل بتائیں گے، امید ہے نواز شریف کا نام ای سی ایل سے نکالنے کے امور کو جلد نمٹایا جائے گا۔
