اسلام آباد: پاکستان میں تعینات جرمن سفیر مارٹن کوبلر نے کہا کہ سیاست میں تشدد کی کوئی جگہ نہیں ہونی چاہیے۔
تفصیلات کے مطابق جرمین سفیر مارٹن کوبلر نے سماجی رابطے کی ویب سائٹ ٹویٹر پراپنے پیغام میں متحدہ قومی موومنٹ پاکستان کے سابق رہنما علی رضا عابدی کے قتل پرافسوس کا اظہار کیا۔
مارٹن کوبلر نے اپنے پیغام میں کہا کہ سیاست میں تشدد کی کوئی جگہ نہیں ہونی چاہیے، ہمدردیاں علی رضا عابدی کے اہل خانہ کے ساتھ ہیں۔
I am saddened by the news about the murder of #AliRazaAbidi. Violence must not have any place in politics! My thoughts are with his family. pic.twitter.com/igJX9BdOXU
— Martin Kobler (@KoblerinPAK) December 26, 2018
علی رضا عابدی قاتلانہ حملے میں جاں بحق
یاد رہے کہ گزشتہ روز متحدہ قومی موومنٹ پاکستان کے سابق رہنما علی رضا عابدی فائرنگ سے جاں بحق ہو گئے تھے، انہیں تشویش ناک حالت میں اسپتال منتقل کیا گیا تھا لیکن وہ جاں بر نہ ہو سکے۔
صدرِ مملکت ڈاکٹرعارف علوی اور وزیرِ اعظم عمران خان نے سابق رکن قومی اسمبلی علی رضا عابدی پر قاتلانہ حملے کی شدید مذمت کرتے ہوئے ان کی شہادت پر دکھ اور افسوس کا اظہار کیا
