site
stats
پاکستان

فیصل آباد: شہید فوجی کی نماز جنازہ ادا، شہادت پر والد کو مبارک باد

فیصل آباد: لائن آف کنٹرول پر شہید ہونے والے دو فوجی جوانوں میں سے ایک فوجی کا جسد خاکی آبائی شہر فیصل آباد پہنچا دیا گیا جہاں ان کی نماز جنازہ ادا کردی گئی۔


Pakistan’s martyred army men’s heart warming… by arynews
اے آر وائی نیوز فیصل آباد کے نمائندے قمر الزمان کے مطابق فوجی جوان امتیاز احمد کا جسد خاکی ان کے گھر ہجویری ٹائون گلی نمبر دو میں پہنچا دیا گیا جہاں ہزاروں افراد نے شہید کے جسم کا استقبال کیا اور میت کے ساتھ ساتھ چلتے گئے۔

اس موقع پر موجود لوگ انتہائی جذباتی نظر آئے ، حب الوطنی سے سرشار ہجوم نے پاکستان زندہ باد، پاک فوج زندہ باد شہید امتیاز زندہ باد کے فلک شگاف نعرے لگائے۔
میت گھر پہنچنے پر لوگوں کا جم غفیر شہید امتیاز کے قومی پرچم میں لپٹے ہوئے جسد خاکی کے گرد جمع ہوگیا، منظر دیکھنے میں آیا کہ لوگوں نے شہید کے والد ریٹائر ٹیچراقبال تبسم کو بیٹے کی شہادت اور وطن کے لیے جان دینے پر مبارک باد پیش کی۔

بعدازاں شہید کی نماز جنازہ ادا کردی گئی،امتیاز احمد اقبال تبسم کے سب سے چھوٹے اور لاڈلے بیٹے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top