اسلام آباد : پاکستان مسلم لیگ (ن) کی رہنما ماروی میمن نے کہا فیاض الحسن چوہان نے مافیا کی جو تعریف بیان کی وہ ٹھیک ہے، درست کہا مافیا پہلے خریدتا اور ناکامی پر بلیک میل کرتا ہے۔
تفصیلات کے مطابق پاکستان مسلم لیگ (ن) کی رہنما ماروی میمن نے سماجی رابطے کی ویب سائٹ ٹوئٹر پر اپنے بیان میں کہا فیاض الحسن چوہان نے مافیاکی جو تعریف بیان کی وہ ٹھیک ہے، فیاض الحسن چوہان نےدرست کہامافیا پہلے خریدنےکی کوشش کرتاہے اور ناکامی پر بلیک میل کرتا ہے، مافیابلیک میلنگ میں ناکامی کے بعد ختم کر دیتا ہے۔
I disagree on lotss wth fayaz chohan. His language etc but I swear his definition of mafia is clear cut. We had Abid n others to counter him in past but … As per chohan it’s true that mafia tries to buy first if that fails.Blackmails.If that fails then eliminates !✅more later.
— Marvi Memon (@marvi_memon) July 15, 2019
یاد رہے صوبائی وزیر فیاض الحسن چوہان نے میڈیا سے گفتگو میں کہا تھا بیٹی ججز کی ویڈیو چلاتی ہے، بیٹے رشوت کا بازارگرم کرتے ہیں، سسلین مافیا وہ تھا جو پہلے خریدتا تھا اور ناکامی پر بلیک میل کرتا تھا۔
ان کا کہنا تھا کل برطانوی اخبارنےایک اسٹوری بریک کی ہے، زلزلہ متاثرین کےفنڈمیں خوردبردکی گئی اوررقم ہتھیائی گئی، انہوں نے میاں بیوی بچوں اور داماد سمدھی سمیت لوٹ مار کی، برطانوی اخبارنےان کی کرپشن کےپردے کوچاک کردیاہے، آمریت میں پلنے والوں کا کریکٹر عوام کے سامنے آچکا ہے۔
