لاہور: پنجاب کی سینئر وزیر اور ن لیگی رہنما مریم اورنگزیب نے پی ٹی آئی کی بھوک ہڑتال کو ’ڈائٹ پلان‘ قرار دے دیا۔
صوبائی وزیر مریم اورنگزیب نے اپنے ایک بیان میں کہا کہ دوپہر تین بجے شروع ہونے والی بھوک ہڑتال شام سات بجے تک اختتام پذیر ہونے والا ڈائٹ پلان ہے، دوپہر کا کھانا کھا کر شام کے کھانے سے پہلے ختم ہونے والی بھوک ہڑتال ڈھونگ اور مذاق ہے۔
انہوں نے کہا کہ 9 مئی کے مجرم کیلئے 4 گھنٹے کا ’ڈائٹ پلان‘ ہی فالو کیا جا سکتا ہے، قومی تنصیبات، شہدا کی بے حرمتی، قائدِ اعظم کے گھر کو جلایاگیا، پولیس، رینجرز کے سر پھاڑنے کا اعتراف کرنیوالے سزا کے مستحق ہیں بھوک ہڑتال کے نہیں۔
