پشاور : پاکستانی ایتھلیٹ مریم نسیم نے آسٹریلیا میں پاور لفٹنگ مقابلوں میں کامیابی کے جھنڈے گاڑدیئے، مقابلے میں سلور میڈل کا تمغہ سجا لیا۔
تفصیلات کے مطابق پشاور سے تعلق رکھنے والی مریم نسیم نے آسٹریلیا میں ہونے والے ستاون کلو گرام کیٹگری مقابلے میں سلور میڈل جیت کر پاکستان کا نام دنیا بھر میں روشن کر دیا۔
اس موقع پر میڈیا سے گفتگو کرتے ہوئے ان کا کہنا تھا کہ میڈل کے حصول کے لیے سخت محنت کی، کامیابی والدین کی دعاؤں سے ممکن ہوئی۔
مریم نسیم نے مزید کہا کہ دوستوں کے مشورے اور حوصلہ افزائی سے آج اس مقام پر ہوں، یہ میرا پہلا کارنامہ تھا ابھی میرے لیے بہت چیلنجز ہیں،میں مستقبل میں پاکستان کا نام مزید روشن کرنا چاہتی ہوں۔
Comments
- Advertisement -