لاہور: وزیراعلیٰ پنجاب مریم نواز کاخواتین کے عالمی دن پرکہنا تھا کہ صرف آج کا دن ہی نہیں بلکہ ہر دن خواتین کا دن ہوتا ہے۔

وزیراعلیٰ پنجاب مریم نواز کا خواتین کے عالمی دن کے موقع پر تقریب سے خطاب کرتے ہوئے کہنا تھا کہ میں روایتی تقریر کرنے نہیں آئی، گزشتہ 10 دن میں جو مسائل دیکھے اس پر بات نہیں کرنا چاہتی۔

وزیراعلیٰ پنجاب مریم نواز نے کہا کہ یہ سلسلہ یہاں نہیں رکنا چاہیے میرے بعد بھی خاتون وزیراعلیٰ بنے، انہوں نے کہا کہ صرف آج کا دن نہیں بلکہ ہر دن خواتین کا دن ہوتا ہے۔

مریم نواز کا کہنا تھا کہ پابندیاں توڑکرآگے بڑھنے والی خواتین کوسلام پیش کرتی ہوں، مجھے اندازہ ہے خواتیں کن کن مراحل سے گزر کر یہاں پہنچتی ہیں۔

پنجاب اسمبلی کی مخصوص نشستوں پر ارکان آج حلف اٹھائیں گے

وزیر اعلیٰ پنجاب مریم نواز نے کہا کہ ہم نے خواتین کیلئے سیفٹی ایپ متعارف کرائی ہے۔