The news is by your side.

ن لیگ کی تنظیم سازی : نواز شریف نے مریم نواز کو مکمل اختیار دے دیا

لندن : مسلم لیگ (ن) کی سینئر نائب صدر مریم نواز کو ن لیگ کی تنظیم سازی کا ازسرنو جائزہ لینے کا مکمل اختیار دے دیا گیا ، مریم نواز پارٹی عہدوں میں تبدیلی کریں گی۔

تفصیلات کے مطابق لندن میں نوازشریف کی زیرصدارت ن لیگ کے مشاورتی اجلاس کا احوال سامنے آگیا۔

ذرائع نے بتایا ہے کہ مریم نواز کون لیگ کی تنظیم سازی کاازسونوجائزہ لینےکا مکمل اختیار دے دیا گیا ہے۔

ذرائع کا کہنا تھا کہ 5ماہ پہلے رانا ثنا اللہ کی جانب سے کی گئی پارٹی تنظیم سازی کاجائزہ لیاجائےگا، کارکردگی تسلی بخش نہ ہوئی تو مریم نواز پارٹی عہدوں میں تبدیلی کریں گی۔

نوازشریف نے کہا 2 صوبوں میں انتخابات ہونے یا نہ ہونے کے خیالات سےباہر آجائیں، انتخابات نہ ہونے کے امکانات نظر آئیں تو پھر بھی تیاری جاری رکھیں۔

خیال رہے مسلم لیگ (ن) کی سینئر نائب صدر مریم نواز شریف 29 جنوری کو لندن سے لاہور پہنچیں گی، مسلم لیگ (ن) نے ان کے استقبال کے لیے تیاریاں شروع کر دی ہے۔

Comments

یہ بھی پڑھیں