19.8 C
Ashburn
بدھ, مئی 29, 2024
اشتہار

مریم نواز کا کمزور نظر اور سماعت والے لاکھوں طلبہ کے لیے بڑا قدم

اشتہار

حیرت انگیز

لاہور: وزیر اعلیٰ پنجاب مریم نواز نے صوبے کے اسکولوں کے کمزور نظر اور سماعت والے لاکھوں طلبہ کے لیے ایک اہم پروجیکٹ کی منظوری دی ہے۔

تفصیلات کے مطابق وزیر اعلیٰ پنجاب مریم نواز نے 7 لاکھ طلبہ کو عینک اور ہیئرنگ ایڈ فراہم کرنے کے پراجیکٹ کی منظوری دے دی ہے، پراجیکٹ کے لیے اے ٹی اسکیل کی جانب سے 500 ملین کی مالی معاونت فراہم کی جائے گی۔

اس سلسلے میں وزیر اعلیٰ پنجاب مریم نواز شریف سے معروف ادارے اے ٹی اسکیل کے وفد نے ملاقات کی، جس میں اسکولوں میں انٹرنیٹ سروسز اور دیگر امور پر بھی تبادلہ خیال کیا گیا، اے ٹی اسکیل کے وفد نے کہا مریم نواز کا عوامی خدمت کا وژن قابل تعریف ہے۔

- Advertisement -

ملاقات میں ہیلتھ نیوٹریشن و دیگر اقدامات کا جائزہ لیا گیا، اور متعلقہ ڈیپارٹمنٹ کے اشتراک کی ضرورت پر زور دیا گیا، اسکولوں کے اساتذہ کی استعداد کار میں اضافے کے لیے اقدامات پر اتفاق کیا گیا۔

وزیر اعلیٰ پنجاب مریم نواز نے کہا میں عوام کی خدمت کے لیے روایتی طریقے سے ہٹ کر کام کرنا چاہتی ہوں، پنجاب میں آٹزیم کے شکار بچوں کے لیے پہلا سرکاری اسکول لاہور میں قائم ہوگا، غذائی ضروریات پوری کرنے کے لیے نجی اشتراک سے پیکٹ ملک پراجیکٹ شرو ع کر رہے ہیں، لاہور میں مفت ایمرجنسی وائی فائی کی سہولت بھی دوبارہ شروع کر دی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں