لاہور: وزیر اعلیٰ پنجاب مریم نواز نے اس عزم کا اظہار کیا ہے کہ زمین کے تحفظ کیلیے ہمیں قدرتی وسائل اور درختوں کو بچانا ہے۔

ارتھ ڈے کے موقع پر مریم نواز نے خصوصی پیغام جاری کیا جس میں انہوں نے کہا کہ زمین صرف ہماری نہیں بلکہ آنے والی نسلوں کی بھی امانت ہے، آلودگی اور موسمیاتی تبدیلیوں کے چیلنجز کا مقابلہ کرنا ہے، پنجاب حکومت قدرتی مسکن کی حفاظت کے مشن میں سب سے آگے ہے۔

مریم نواز نے کہا کہ زمینی ماحولیاتی تحفظ کو اپنی پالیسی کا مرکزی حصہ بنایا ہے، سرسبز پنجاب مہم کے تحت لاکھوں درخت لگائے جا چکے ہیں، پنجاب میں پاکستان کی پہلی اسمارٹ انوائرمنٹ فورس قائم کر دی گئی ہے۔

یہ بھی پڑھیں: 15 لاکھ گھرانوں‌ کو راشن کارڈ، مریم نواز نے بڑی خوشخبری سنا دی

وزیر اعلیٰ پنجاب نے مزید کہا کہ کارخانوں کی نگرانی کی جا رہی ہے، فصلوں کی باقیات جلانے کی روک تھام کیلیے سپر سیڈر دیے جا رہے ہیں، پنجاب نے پاکستان کی پہلی جامع کلائمیٹ پالیسی متعارف کروائی، صنعتی آلودگی پر قابو پانے کیلیے خودکار مانیٹرنگ سسٹم لا رہے ہیں، مل جل کر اپنی زمین کو بہتر اور سرسبز بنانے کا عزم کرتے ہیں۔

پہلی اور منفرد انوائرمنٹ پروٹیکشن فورس

چند روز قبل وزیر اعلیٰ پنجاب مریم نواز نے پہلے اور منفرد انوائرمنٹ پروٹیکشن فورس کا آغاز کرتے ہوئے انوائرمنٹل اپرول مینجمنٹ سسٹم اور گاڑیوں کیلیے ایمیشن ٹیسٹنگ سسٹم بھی لانچ کیا تھا۔

مریم نواز نے انوائرمنٹ پروٹیکشن فورس کی پہلی پاسنگ آؤٹ پریڈ میں شرکت کی تھی جہاں انہوں نے انوائرمنٹل اپرول مینجمنٹ سسٹم اور گاڑیوں کیلیے ایمیشن ٹیسٹنگ سسٹم بھی لانچ کیا تھا۔ ایمیشن ٹیسٹ سسٹم کے تحت جانچ پڑتال کے بعد انہوں نے گاڑی کو پہلا ای ٹی ایس اسٹیکر لگایا تھا۔

وزیر اعلیٰ پنجاب نے انوائرمنٹ پروٹیکشن اتھارٹی کے جھنڈے کی پرچم کشائی کی تھی۔ اس موقع پر سینئر صوبائی وزیر مریم اورنگزیب نے انوائرمنٹ پروٹیکشن فورس کے اقدامات پر تفصیلی روشنی ڈالی اور ای ایم ایس سسٹم سے آگاہ کیا تھا۔

انوائرمنٹ پروٹیکشن فورس کا ای بائیکس اسکواڈ ایکوفرینڈلی یونٹ اور گرین اسکواڈ اربن ایریا میں اینٹی پلاسٹک کمپین، ڈسٹ اور ڈینگی کنٹرول کیلیے کام کرے گا۔ انوائرمنٹ پروٹیکشن فورس کا بلیو اسکواڈ آبی ذخائر کو محفوظ بنانے کیلیے کاوشیں اور گاڑیوں کے فیول کی ٹیسٹنگ اور زہریلے دھویں کے خلاف بلیک اسکواڈ کام کرے گا۔

انوائرمنٹ پروٹیکشن فورس کا ریڈ اسکواڈ صنعتی علاقے اور اسپتالوں میں مضر صحت مواد سے بچاؤ کیلیے کام کرے گا۔ ہاک آئی اسکواڈ 360 ڈگری لائیو کیمرہ بردار گاڑیوں اوراندھیرے میں دیکھنے والے 11 تھرمل ڈرون کے ساتھ ماحولیاتی نگرانی کرے گا۔

ماحولیاتی خطرات سے بچاؤ کیلیے خصوصی اربن پٹرولنگ اینڈ ویجی لینس اسکواڈ کام کرے گا، انوائرمنٹ پروٹیکشن فورس کا برک کلن اسکواڈ 8 خصوصی ڈبل کیبن گاڑیوں پر بھٹوں کی نگرانی کرے گا۔ اینٹی پلاسٹک اور فیوجیٹو ڈسٹ اسکواڈ پلاسٹک اور ڈسٹ آلودگی کے خاتمے کیلیے کوشاں ہوگا۔

پوائنٹ سورس پلوشن مانیٹرنگ اسکواڈ ماحولیاتی آلودگی پھیلانے والے عناصر کی مانیٹرنگ کرے گا، موبائل ایئر کوالٹی مانیٹرنگ سٹیشن کے ذریعے متعلقہ علاقوں میں ایئر کوالٹی پر چیک رکھا جائے گا۔