The news is by your side.

Advertisement

میرا خیال ہے والدہ ہماری باتیں سن رہی ہیں، مریم نواز

لندن : نواز شریف کی صاحبزادی مریم نواز نے کہا ہے کہ والدہ کی طبعیت میں بہتری آئی ہے، میں نے والدہ کو آواز دی تو انہوں نے میری آواز پر حرکت کی۔

تفصیلات کے مطابق سابق وزیر اعظم نواز شریف کی اہلیہ بیگم کلثوم نواز کی تاحال وینٹی لیٹر پر موجود ہیں، کلثوم نواز کی صاحبزادی مریم نواز کچھ دیر قبل ہارلے اسٹریٹ کلینک آئی تھیں، انہوں نے والدہ کی عیادت کے بعد میڈیا سے گفتگو کرتے ہوئے کہا ہے کہ میں نے والدہ کو آواز دی، انھوں نے کچھ رد عمل کا اظہار کیا۔

پاکستان مسلم لیگ نواز کی مرکزی رہنما مریم نواز کا میڈیا سے گفتگو کرتے ہوئے کہنا تھا کہ میرا خیال ہے والدہ ہماری باتیں سن رہی ہیں۔

خیال رہے کہ 15 جون کو مریم نواز کا سماجی رابطے کی ویب سائٹ ٹویٹ کرتے ہوئے کہنا تھا کہ امی کو اچانک دل کا دورہ پڑا تھا، جس کے بعد انہیں اسپتال کے آئی سی یو میں منتقل کیا گیا اور اب وہ وینٹی لیٹر پر ہیں۔

خیال رہے کہ کینسر کے عارضے میں مبتلا بیگم کلثوم نواز پچھلے کئی ماہ سے علاج کی غرض سے لندن میں موجود ہیں جہاں ان کی کئی کیموتھراپیز کی جاچکی ہیں۔

واضح رہے کہ اس سے قبل بھی ان کی متعدد بار طبیعت خراب ہونے پر اسپتال منتقل کیا جاتا رہا ہے، تاہم آج دل کا دورہ پڑنے پر ان کی حالت نازک بتائی جارہی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں