اسلام آباد : مسلم لیگ ن کی رہنما مریم نواز کا کہنا ہے کہ سابق وزیراعظم نوازشریف لودھراں جا کرعوام کی محبت کا شکریہ ادا کریں گے۔
تفصیلات کے مطابق سماجی رابطے کی ویب سائٹ ٹویٹرپرمریم نواز نے ویڈیو پیغام شیئر کیا ہے جس میں سابق وزیراعظم نوازشریف کہہ رہے ہیں کہ این اے 154 کے ضمنی الیکشن میں جس طرح لودھراں کی عوام نے بے پناہ محبت کا اظہار کیا ہے کہ وہ خودذاتی طور پروہاں جاکر عوام کا شکریہ ادا کریں گے۔
میں ذاتی طور پر لودھراں جا کر عوام کی محبت کا شکریہ ادا کروں گا۔ نواز شریف pic.twitter.com/SrmMoOKMod
— Maryam Nawaz Sharif (@MaryamNSharif) February 13, 2018
اس سے قبل پنجاب ہاؤس میں نوازشریف کا کارکنوں سے خطاب کرتے ہوئے کہنا تھا کہ اللہ تعالیٰ کا شکر گزار ہوں اس نے عوام کی عدالت میں سرخرو کیا۔
مسلم لیگ ن کے صدر نے کہا کہ عوامی عدالت نے فیصلہ کردیا کون اہل اور کون نااہل ہے۔
اجلاس سے خطاب کرتے ہوئے نواز شریف کا کہنا تھا کہ اللہ کا شکر گزار ہوں اس نے عوام کی عدالت میں سرخرو کیا۔ عوامی عدالت نے فیصلہ کردیا کون اہل اور کون نااہل ہے۔
انہوں نے کہا کہ میرے خلاف فیصلہ دینے والے عوامی عدالت کا فیصلہ دیکھ لیں، عوام اب خود انصاف کر رہے ہیں۔ سب سازشوں کا جواب عوامی عدالت سے آرہا ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
