لاہور : ن لیگ کے کئی سینئر رہنما مریم نواز کو پارٹی کا سینئر نائب صدر اور چیف آرگنائزر بنانے پر ناراضگی کا اظہار کرتے ہوئے کہا چپ رہنےدیں ،اس عمر میں منافقت اور جھوٹ نہیں بولنا چاہتے۔
تفصیلات کے مطابق مریم نواز کو پارٹی کا سینئر نائب صدر اور چیف آرگنائزر بنانے کی مخالفت سامنے آگئی۔
ذرائع کا کہنا ہے کہ مریم نواز شریف کو پارٹی کے اندر سینئر رہنماؤں کی مخالفت کا سامنا ہے، ن لیگ کے کئی سینئر رہنما مریم نواز کو نئی ذمہ داریاں ملنے سے نالاں ہیں۔
سینئر لیگی رہنما نے کہا ہے کہ چپ رہنےدیں ،اس عمر میں منافقت اور جھوٹ نہیں بولنا چاہتے۔
یاد رہے صدر مسلم لیگ(ن) شہباز شریف نے مریم نواز کو مسلم لیگ (ن) کی سینئر نائب صدر مقرر کیا تھا۔
مریم اورنگزیب نے پارٹی صدر کے فیصلے کا نوٹی فکیشن جاری کیا، نوٹی فکیشن مسلم لیگ (ن) کے صدر شہباز شریف کے دستخط سے جاری ہوا ۔
نوٹیفکیشن میں بتایا گیا تھا کہ شہباز شریف نے مریم نواز کو پارٹی کا چیف آرگنائزر بھی مقرر کر دیا ہے۔