لاہور: وزیراعظم نواز شریف کی صاحبزادی مریم نواز شریف نے لوڈ شیڈنگ کے حوالے سے ٹوئیٹر پر مہم شروع کردی ہے، اس حوالے سے انہوں نے سوشل میڈیا پر پیغام جاری کیا کہ جہاں زیادہ لوڈشیڈنگ ہورہی ہے تو ٹوئٹر پر آگاہ کریں۔
تفصیلات کے مطابق مریم نواز شریف سماجی ویب سائٹ ٹوئٹر پر پیغام جاری کرتے ہوئے عوام سے کہا ہے کہ لوڈشیڈنگ سے نجات حاصل کرنی ہے تو ٹوئٹر کا استعمال سیکھیں۔
مریم نواز نے بجلی کی لوڈشیڈنگ کی تفصیلات مانگ لیں اور عوام سے کہا ہے کہ اپنے علاقے میں لوڈ شیڈنگ کے حوالے سے انھیں آگاہ کریں، شکایت کنندہ اپنے شہر اور ضلع کا نام بھی ضرور لکھیں۔
Load shedding update with your area/district name, please.
— Maryam Nawaz Sharif (@MaryamNSharif) April 11, 2017
عوام کا ردِ عمل
دوسری جانب مریم نواز کے سوال پر عوام کی جانب سے شدید ردعمل سامنے آیا ، عوام کا کہنا ہے کہ حکومت کے دعووں کے برعکس ان کے علاقوں میں بجلی کی شدید لوڈ شیڈنگ جاری ہے۔
ملک میں گرمی کی شدت میں اضافہ ہوتے ہی لوڈشیڈنگ کا جن بھی بے قابو ہوگیا ہے اوربجلی کا شارٹ فال تجاوز کرتے ہوئے تین ہزار میگا واٹ تک پہنچ گیا ہے ۔
