خواتین کوبااختیاربنانےکےلیےویمن کاکس کا کرداراہم ہے‘مریم نواز -
The news is by your side.

Advertisement

خواتین کوبااختیاربنانےکےلیےویمن کاکس کا کرداراہم ہے‘مریم نواز

اسلام آباد: مسلم لیگ ن کی رہنما مریم نواز کاکہناہےکہ خواتین کو بااختیار بنانے کےلیے ویمن کاکس کا کردار اہم ہے۔

تفصیلات کےمطابق وفاقی دارالحکومت اسلام آباد میں ویمن پارلیمانی کاکس کے زیراہتمام تین روزہ بین الااقوامی کانفرنس میں پاکستان سمیت بارہ ممالک کی پارلیمنٹیرین شریک ہیں۔کانفرنس کی تھیم’بی بولڈ فار چینج‘ہے۔

ویمن پارلیمانی کاکس کےزیراہتمام 3 روزہ بین الاقوامی کانفرنس سے خطاب کرتےہوئےمریم نواز نےکہاکہ دنیا کی نامور کمپنیوں میں خواتین مرکزی کردار ادا کررہی ہیں۔

مسلم لیگ ن کےرہنما مریم نوازکاکہناتھاکہ دنیا میں خواتین کا کردار کبھی آسان نہیں رہا۔انہوں نےکہاکہ دنیا کی نامور کمپنیوں میں خواتین مرکزی کردار ادا کررہی ہیں۔

مریم نوازکا کہناتھاکہ پاکستان میں خواتین کو جمہوریت میں مساوی مواقع حاصل ہیں۔انہوں نےکہاکہ خواتین کو غربت اور خوف کی فضاسے نکالنا وقت کی اہم ضرورت ہے۔

وزیراعظم نواز شریف کی صاحبزادی مریم نواز نے کہا ہے کہ میری والدہ میرے لیے مشعل راہ ہیں۔انہوں نےکہاکہ ملالہ یوسفزئی،شرمین عبیدچنائے،خاتون پائلٹ مریم ہمارا فخر ہیں۔

واضح رہےکہ مسلم لیگ ن کی رہنما مریم نواز نے ویمن پارلیمانی کاکس کےانعقاد پرمنتظمین کومبارکباد پیش کی۔

Comments

comments

یہ بھی پڑھیں