پاکستان مسلم لیگ ن کی نائب صدر مریم نواز نے کہا ہے کہ پنجاب کی خدمت کرنا اور پنجاب کو ٹھیکے پر دینے میں فرق ہے۔
پاکستان مسلم لیگ ن کی نائب صدر مریم نواز نے سماجی رابطوں کی ویب سائٹ ٹوئٹر پر اپنے ٹوئٹ میں کہا ہے کہ عظیم قوم بنانے کے دعویدار کے پاس وزارت اعلیٰ کا اپنا امیدوار تک نہیں۔ پنجاب کی خدمت کرنا اور پنجاب کو ٹھیکے پر دینے میں فرق ہے۔
مریم نواز نے اپنے ٹوئٹ میں مزید لکھا ہے کہ 2018 میں پنجاب کے عوام نے مینڈیٹ نواز شریف کو دیا تھا۔ ان سے دھونس اور دھاندلی کے ذریعے عوام کا دیا گیا مینڈیٹ چھین لیا گیا۔
ن لیگی رہنما کا مزید کہنا تھا کہ یہ جیتے جاگتے عوام کا صوبہ ہے، فتنہ خان کی اے ٹی ایم نہیں۔ غلامی سےآزادی کا بھاشن دینے والا اپنے ممبرز کو بھی بدتر سمجھتا ہے۔
عظیم قوم بنانے کے دعویدار کے پاس وزارت اعلیٰ کا اپنا امیدوار تک نہیں.
پنجاب کی خدمت کرنا اور پنجاب کو ٹھیکے پر دینے میں فرق ہے ۔ ۲۰۱۸ میں پنجاب کے عوام نے مینڈیٹ نواز شریف کو دیا تھا جو ان سے دھونس اور دھاندلی سے چھین لیا گیا۔ یہ جیتے جاگتے عوام کا صوبہ ہے، فتنہ خان کی ATM نہیں۔ https://t.co/STPH674zB1— Maryam Nawaz Sharif (@MaryamNSharif) July 22, 2022
مریم نواز نے ٹوئٹ میں لکھا ہے کہ وہ جس کو پنجاب کا سب سے بڑا ڈاکو کہتا رہا آج اسی کیلیے ووٹ مانگ رہا ہے اور اس کو ہی 12 کروڑ عوام کے صوبے کا مالک بنانے کو تیار ہے۔
