پاکستان مسلم لیگ ن کی نائب صدر مریم نواز نے پنجاب اسمبلی میں ہنگامہ آرائی پر ردعمل کا اظہار کرتے ہوئے کہا ہے کہ جتنا چاہے پھڑپھڑا لو، وزیراعلیٰ حمزہ شہباز۔
مسلم لیگ ن کی رہنما مریم نواز نے سماجی رابطوں کی ویب سائٹ ٹوئٹر پر ٹوئٹ کیا ہے جس میں پنجاب اسمبلی میں ہنگامہ آرائی پر پی ٹی آئی کو شدید تنقید کا نشانہ بنایا ہے۔
مریم نواز نے کہا کہ غنڈہ گردوں کے گروہ پی ٹی آئی نے اپنی شکست دیکھ کر پھرغنڈہ گردی شروع کردی ہے۔
غنڈہ گردوں کے گروہ نے جس کا نام PTI ہے پنجاب میں اپنی شکست سامنے دیکھتے ہوئے پھر سے غنڈہ شروع کر دی۔جتنا چاہے پھڑپھڑا لو، پنجاب کا حق پنجاب کے عوام کو آج انشاءاللّہ مل کر رہے گا۔وہ ترقی جو 2018 میں ان سے چھین لی گئی تھی، وہ پنجاب واپس لے کر رہے گا۔وزیر اعلی حمزہ شہباز انشاءاللّہ!
— Maryam Nawaz Sharif (@MaryamNSharif) April 16, 2022
ن لیگی رہنما نے مزید لکھا کہ جتنا چاہے پھڑپھڑا لو، پنجاب کا حق پنجاب کے عوام کو آج انشااللہ مل کررہےگا، وہ ترقی جو 2018 میں ان سے چھین لی گئی تھی، وہ پنجاب واپس لے کر رہے گا،وزیر اعلیٰ حمزہ شہباز انشااللہ۔
مریم نواز نے اسی حوالے سے ایک اور ٹوئٹ میں کہا ہے کہ اس غنڈہ گرد اور سڑک چھاپ پی ٹی آئی کا جڑ سے خاتمہ پاکستانیوں کا اولین فرض ہے۔
اس غنڈہ گرد اور سڑک چھاپ PTI کا جڑ سے خاتمہ ہر پاکستانی کا اولین فرض ہے۔ یہ کلچر کسی طرح بھی ملک و قوم کے لیے اچھا نہیں بلکہ تباہی ہے۔ اس کا فوری سدباب اور خاتمہ ضروری ہے۔ پنجاب کے عوام ان کے چہرے پہچان لے۔
— Maryam Nawaz Sharif (@MaryamNSharif) April 16, 2022
انہوں نے مزید لکھا ہے کہ یہ کلچر کسی طرح بھی ملک وقوم کیلیے اچھا نہیں ہے بلکہ تباہی ہے، اس کا فوری سدباب اور خاتمہ ضروری ہے، پنجاب کے عوام نے ان کے چہرے پہچان لیے ہیں۔
