لاہور: پاکستان مسلم لیگ ن کی نائب صدر مریم نواز نے وزیر اعظم عمران خان کی سابقہ اہلیہ جمائمہ گولڈ اسمتھ کے ٹوئٹ کے جواب میں ٹوئٹ کر دیا ہے۔
مریم نواز نے جمائمہ کو ٹوئٹ میں جواب دیا ہے کہ انھیں جمائمہ یا ان کے بچوں کی زندگی سے کوئی دل چسپی نہیں، اور انھیں اور بھی بہت سے کام ہیں کرنے کو۔
ٹوئٹ میں مریم نواز نے لکھا ’مجھے آپ یا آپ کے بچوں کی ذاتی زندگی میں کوئی دل چسپی نہیں، میرے پاس اور بہت کچھ کہنے اور کرنے کو ہے، لیکن آپ کے سابقہ شوہر دوسروں کی فیملیز کے لیے زہر اگل رہے ہیں۔‘
I have absolutely no interest in you, your sons or your personal lives because I have better things to do and say but if your ex drags in families of others out of spite, others will have nastier things to say. You have only your ex to blame. https://t.co/DxoUqwjoTn
— Maryam Nawaz Sharif (@MaryamNSharif) July 20, 2021
مریم نے مزید لکھا کہ اگر وہ (عمران خان) یہی کرتے رہیں گے تو پھر دوسروں کو بھی حربے اپنانا آتے ہیں، اگر کسی کو ذمہ دار ٹھہرانا ہے تو اپنے سابقہ شوہر کو ٹھہرائیں۔
جمائمہ گولڈ اسمتھ کا مریم نواز کے بیان پر سخت ردِعمل
یاد رہے کہ گزشتہ روز جمائمہ گولڈ اسمتھ نے اپنے بچوں سے متعلق بیان پر مریم نواز کو ٹوئٹ کیا تھا، جس میں انھوں نے لکھا تھا کہ مریم نے میرے بچوں سے متعلق کہا کہ وہ یہودیوں کی گود میں پلے بڑھے، میں 2004 میں پاکستان چھوڑ گئی تھی، تب سے ہمیں نشانہ بنایا جا رہا ہے۔
My kids are “being raised in the lap of the Jews,” announced @MaryamNSharif today.
I left Pakistan in 2004 after a decade of antisemitic attacks by the media & politicians (& weekly death threats & protests outside my house). But still it continues https://t.co/TGjUxfT1gC— Jemima Goldsmith (@Jemima_Khan) July 19, 2021
وزیر اعظم عمران خان کی سابق اہلیہ نے مریم نواز کے بیان پر رد عمل میں کہا تھا کہ ایک دہائی تک مجھ پر میڈیا اور سیاست دانوں کی طرف سے یہود مخالف حملے کیے گئے، ہمیں قتل کی دھمکیاں دی جاتیں اور گھر کے باہر مظاہرے ہوتے تھے، یہ سلسلہ اب تک جاری ہے۔
