The news is by your side.

Advertisement

احتساب سے بچنے کے لیے مریم نواز لندن جانا چاہتی ہیں، گورنر سندھ

جامشورو: گورنر سندھ عمران اسماعیل کا کہنا ہے کہ احتساب سے بچنے کے لیے مریم نواز لندن جانا چاہتی ہیں، نوازشریف کو بیٹی کے پاس واپس آنا چاہیے۔

تفصیلات کے مطابق جامشورو میں میڈیا سے گفتگو کرتے ہوئے گورنر سندھ عمران اسماعیل نے کہا کہ کامیاب جوان پروگرام کے افتتاح کے لیے آیا ہوں، ایک کروڑ نوکریوں کا وعدہ پورا کریں گے۔

عمران اسماعیل نے کہا کہ احتساب سے بچنے کے لیے لندن میں چھپنا شرم کی بات ہے، کسی سے کوئی ڈیل نہیں ہوئی، احتساب سے بچنے کے لیے مریم نواز لندن جانا چاہتی ہیں، نوازشریف کو بیٹی کے پاس واپس آنا چاہیے۔

گورنر سندھ نے کہا کہ کراچی کا کوئی پرسان حال نہیں، ہمیں مدد کرنا ہوگی،وفاق کے کراچی میں 162 ارب کے منصوبے چل رہے ہیں۔ انہوں نے کہا کہ مولانا فضل الرحمان پہلے اپنے پلان تو بتائیں کہ کیا پلان ہے، مولانا کا کوئی بیان اب پاکستانی سیاست پر اثر انداز نہیں ہوتا۔

سندھ کے حالات بہتر کرنے ہیں تو پیپلزپارٹی سے چھٹکارا حاصل کرنا ہوگا، خرم شیر زمان

اس سے قبل پاکستان تحریک انصاف کے رکن سندھ اسمبلی خرم شیرزمان کا کہنا تھا کہ سندھ کے حالات بہتر کرنے ہیں تو پیپلزپارٹی سے چھٹکارا حاصل کرنا ہوگا۔

خرم شیر زمان کا کہنا تھا کہ کرپشن اس حد تک پہنچ گئی کہ عوام کی چیخیں نکلنا شروع ہوگئیں، صوبے میں تعلیم کا نظام دن بدن نیچے آ رہا ہے، جو اساتذہ احتجاج کرتے ہیں ان کو ڈنڈے مارے جاتے ہیں۔

Comments

comments

یہ بھی پڑھیں