پاکستان مسلم لیگ ن کی نائب صدر مریم نواز نے پاسپورٹ ملتے ہی لندن روانگی کی تیاری پکڑ لی ہے، وہ وہاں ایک ماہ قیام کریں گی۔
اے آر وائی نیوز کے مطابق پاکستان مسلم لیگ ن کی نائب مریم عدالتی حکم سے پاسپورٹ ملنے کے بعد 24 گھنٹے بھی صبر نہ کرسکیں اور دوسرے روز صبح ہی لندن کیلیے روانہ ہوگئیں۔
ن لیگی رہنما کو لاہور ہائیکورٹ کے حکم پر پاسپورٹ واپس کیا گیا تھا، پاسپورٹ کی وصولی کے بعد آج صبح مریم نواز لاہور اپنی قیام گاہ سے ایئرپورٹ پہنچ چکی ہیں جہاں سے وہ کچھ دیر میں نجی ایئر لائن کے ذریعے لندن کے لیے اڑان بھریں گی۔
- Advertisement -
مریم نواز براستہ دوحہ لندن کے لیے روانہ ہوں گی، ان کے ہمراہ ذاتی عملہ بھی ساتھ جائے گا، وہ ایک ماہ لندن میں قیام کریں گی۔
مریم نواز کی وطن واپسی کی تاریخ 6 نومبر بتائی جا رہی ہے، لندن پُہںچ کر وہ سرجری بھی کروائیں گی۔
