پاکستان سپر لیگ 9 میں کوئٹہ گلیڈیئٹر کا حصہ محمد عامر کی فیملی سے ڈی سی ملتان کی بدتمیزی کے واقعے کا وزیراعلیٰ پنجاب مریم نواز نے فاسٹ بولر کو فون تفصیلات معلوم کیں۔
پی ایس ایل 9 کے ملتان میں کھیلے جا رہے میچز کے دوران کوئٹہ گلیڈیئٹر کے فاسٹ بولر محمد عامر نے الزام عائد کیا کہ ملتان کے ڈپٹی کمشنر نے میری فیملی کے ساتھ بدتمیزی کی اور میچ کے دوران انہیں اسٹیڈیم سے باہر نکال دیا۔
محمد عامر نے سوشل میڈیا پر واقعے کی تفصیلات بتاتے ہوئے لکھا کہ ڈپٹی کمشنر نے خود کو اسٹیڈیم کا مالک بتایا اور ان کی فیملی سے انتہائی ناروا سلوک اختیار کیا۔ طاقت کا یوں غلط استعمال نا قابل برداشت ہے۔
فاسٹ بولر نے وزیراعلیٰ پنجاب مریم نواز سے فوری نوٹس لینے کی درخواست کی تھی۔
محمد عامر کی شکایت اور مطالبے پر وزیراعلیٰ پنجاب مریم نواز نے فوری نوٹس لیتے ہوئے فاسٹ بولر سے رابطہ کیا اور ان سے ٹیلیفون پر واقعے کی تفصیلات معلوم کرتے ہوئے اس کے ازالے کی یقین دہائی کرائی۔
بعد ازاں محمد عامر نے اپنے ایک اور ٹویٹ میں وزیراعلیٰ پنجاب مریم نواز سے اظہار تشکر کرتے ہوئے کہا ہے کہ انہوں نے میرے معاملے پر توجہ دی اور مجھے فون کرنے کے لیے قیمتی وقت نکالا جس پر میں ان کا بہت مشکور ہوں۔ میری مریم نواز کے بطور وزیر اعلیٰ نئے سفر کیلیے نیک تمنائیں ہیں
فاسٹ بولر نے مزید کہا کہ تمام غلط فہمیوں کو ڈپٹی کمشنرملتان نے ازخود دور کیا۔
