اسلام آباد : مسلم لیگ ن کی نائب صدر مریم نواز نے ڈالر کی قیمت میں اضافے پر کہا پاکستان کی معیشیت تباہی کے دہانے پر کھڑی ہے،
تفصیلات کے مطابق مسلم لیگ ن کی نائب صدر مریم نواز نے سماجی رابطے کی ویب سائٹ ٹوئٹر پر کہا انٹر بینک میں ڈالر کی قیمت160روپے50پیسےتک پہنچ گئی، پاکستان کی معیشیت تباہی کے دہانے پر کھڑی ہے، صرف ایک ماہ میں ڈالر کی قیمت میں 13 روپے سے زائد کا اضافہ ہوا۔
Dollar soars to Rs.160.5 interbank.
Pak economy at the verge of total collapse.
Damage caused by Naalaiq-e-Azam will be irreparable.
— Maryam Nawaz Sharif (@MaryamNSharif) June 26, 2019
ایک اور ٹوئٹ میں مریم نواز کا کہنا تھا کہ صرف ایک ماہ میں ڈالر کی قیمت میں 13 روپے سے زائد کا اضافہ ہوا، جس سے قرضوں کا بوجھ 1325 بلین تک جا پہنچا ہے۔
Only in the month of June dollar has gone up by 13.58 adding 1325 billion to our debt. Historic incompetence & failure engulf Pakistan. https://t.co/fdliybZSxL
— Maryam Nawaz Sharif (@MaryamNSharif) June 26, 2019
یاد رہے کہ گذشتہ روز اسلام آباد جاتے ہوئے موٹر وے پر مریم نواز نے ویڈیو پیغام میں کہا جس نےموٹروےبنائےملک کوترقی دی وہ سلاخوں کے پیچھے ہے، نواز شریف نے عوام کے حق حکمرانی کا علم بلند کیا، جس کی سزامل رہی ہے۔
ان کا کہنا تھا حکومت سےملک نہیں چل رہاکاروباررک چکےہیں، نوازشریف نے عوام کے لئے آسانیاں پیداکیں، اللہ نوازشریف کےلئے آسانیاں پیداکرےگا۔
خیال رہے ڈالرکی قدر میں اضافے کا سلسلہ جاری ہے ، ڈالر تاریخ کی بلند ترین سطح ایک سو ساٹھ روپے سے تجاوز کرگیا، انٹر بینک میں ڈالر تین روپے باون پیسے مہنگا ہونے کے بعد انٹربینک میں ڈالرایک سو ساٹھ روپے پچاس پیسےکاہوگیا جبکہ اوپن مارکیٹ میں ڈالرکی قیمت میں اضافہ ریکارڈ کیا جارہا ہے۔
