The news is by your side.

Advertisement

قادری،عمران ساتھ بیٹھنا ثبوت ہے نئی سازش ہورہی ہے،مریم نواز

لاہور : سابق وزیر اعظم کی صاحبزادی مریم نواز کا کہنا ہے کہ قادری،عمران ساتھ بیٹھناثبوت ہےنئی سازش ہورہی ہے، سازشی مہروں کے پاس کوئی عوامی ایجنڈا نہیں۔

تفصیلات کے مطابق سابق وزیر اعظم کی صاحبزادی مریم نواز نے سماجی رابطے کی ویب سائٹ ٹوئٹر پر اپنے بیان میں کہا کہ قادری،عمران ساتھ بیٹھناثبوت ہےنئی سازش ہورہی ہے، ثابت ہوتا ہے جمہوریت،حکومت کیخلاف سازش تیار ہورہی ہے۔

عمران خان پر تنقید کرتے ہوئے مریم نواز نے کہا کہ عمران کی پہچان سیاسی،جمہوری رہنماکی بجائےسازشی، مہرے کی ہے، سازشی مہروں کےپاس کوئی عوامی ایجنڈانہیں۔

انکا مزید کہنا تھا کہ انہیں سازش کے تحت انتشارکیلئے اکٹھا کیا جاتا ہے، عوام کو سب سمجھ ہے۔

یاد رہے کہ ماڈل ٹاؤن میں مسلم لیگ (ن) کے سوشل میڈیا کنونشن سے سابق وزیراعظم نوازشریف کی صاحبزادی مریم نواز نے خطاب کرتے ہوئے کہا تھا کہ ہمارےمخالفین مسلم لیگ ن کی سوشل میڈیافورس سےڈرتے ہیں، جس کو عوام پلس کردیں اس کوکوئی مائنس نہیں کرسکتا۔


مزید پڑھیں : جس کو عوام پلس کردیں اس کوکوئی مائنس نہیں کرسکتا، مریم نواز


مریم نواز کا کہنا تھا کہ اداروں کی عزت ہے تو منتخب وزیراعظم کی بھی عزت ہونی چاہیے، کروڑوں ووٹ سے آنے والے کی عزت ہونی چاہیے، منتخب وزیراعظم پرحملہ ہراس شخص پرحملہ ہے، جس کاووٹ ہے، نوازشریف پر حملے اس لیے ہوتے ہیں کیونکہ وہ نظریے پر کھڑے ہیں۔

سابق وزیراعظم کی بیٹی کا کہنا تھا کہ نوازشریف پرمشکل اس لیےآئی کیونکہ انہوں نےصحیح راستےکوترجیح دی، میاں صاحب آپ سےزیادہ کون جانتاہےحق کوحق کہنےکی سزا کیا ہوتی ہے، میاں صاحب مشکل اس لیےبرداشت کی کیونکہ آپ نےصحیح کوصحیح کہا، کوئی استعمال ہورہاہےاورکوئی استعمال کررہاہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں