The news is by your side.

Advertisement

نوازشریف عمرےکی ادائیگی کے بعد آج رات وطن پہنچیں گے،مریم نواز

لاہور : سابق وزیر اعظم کی صاحبزادی مریم نواز کا کہنا ہے کہ نوازشریف عمرےکی ادائیگی کے بعدآج رات وطن پہنچیں گے ، وہ سعودی ولی عہد سے ملاقات کے بعد روضہ رسول ﷺپرحاضری کیلئےمدینہ منورہ میں ہیں۔

تفصیلات کے مطابق سابق وزیراعظم نواز شریف کی صاحبزادی مریم نواز نے سماجی رابطے کی ویب سائٹ ٹوئٹر پر سابق وزیر اعظم کی روضہ رسولﷺ پر حاضری کی تصاویر شیئر کی۔

مریم نواز کا اپنے بیان میں کہنا تھا کہ نوازشریف سعودی ولی عہد سے ملاقات کے بعد روضہ رسول ﷺپر حاضری کیلئے مدینہ منورہ میں ہیں،   نوازشریف عمرےکی ادائیگی کے بعدآج رات وطن پہنچیں گے۔

انھوں نے مزید کہا کہ مدینہ میں جنت البقی پر حاضری کے بعد جدہ روانہ ہونگے۔


مزید پڑھیں : نواز و شہباز کی سعودیہ روانگی، این آر او یا کرپشن کی تحقیقات، پردہ اٹھ گیا


خیال رہے کہ نااہل وزیراعظم نوازشریف کی دورے کےآخری روز ریاض میں اعلیٰ سعودی شخصیت سے تفصیلی ملاقات ہوئی، ملاقات میں وزیراعلیٰ پنجاب شہبازشریف بھی موجودتھے، وہ عمرہ ادائیگی کے بعدوطن لوٹیں گے۔ کل ان کی کرپشن مقدمات میں پیشی بھی ہے۔

ذرائع نےپراسرار دورےسے پردہ اٹھاتے ہوئے دعوی کیا ہےکہ شریف برادران سےسعودی ایجنسیز نے کرپشن سے متعلق تحقیقات کیں۔دونوں بھائی مبینہ طورپر کرپشن کے الزام میں گرفتار سعودی شہزادوں کے پارٹنر رہ چکے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں