شام کی چائے کے ساتھ کچھ ہلکا پھلکا کھانے کی عادت عموماً سب ہی افراد کو ہوتی ہے۔ آج کی شام کو مزیدار بنانے کے لیے ہم آپ کو نہایت لذیذ مصالحہ دار چھولے بنانے کی ترکیب بتا رہے ہیں۔
اجزا
سفید چنے (ابلے ہوئے) : 300 گرام
لال مسور کی دال: 4 کھانے کے چمچ
مرغی کی یخنی: 1 پیالی
پیاز: 1 عدد
ٹماٹر: 2 عدد
ہری مرچ: 4 عدد
ہرا دھنیہ: ایک چوتھائی گڈی
ہلدی: 1 کھانے کا چمچ
کالی مرچ: 1 کھانے کا چمچ
لال مرچ: 1 کھانے کا چمچ
املی کا گودا: 3 کھانے کے چمچ
نمک: حسب ذائقہ
تیل: 1 پیالی
ترکیب
سب سے پہلے بلینڈر میں پیاز، ٹماٹر اور ہری مرچ کو تھوڑے سے پانی کے ساتھ پیس لیں۔
دیگچی میں تیل گرم کر کے پیاز کے آمیزے کو پانچ منٹ تک بھونیں۔
اب اس میں ہلدی، کالی مرچ، لال مرچ اور نمک ڈال کر بھونیں۔
پھر اس میں املی کا گودا، چنے، مسور کی دال اور مرغی کی یخنی بھی شامل کر دیں۔
جب مسور کی دال گل جائے تو اسے تیز آنچ پر بھونیں اور یکجان ہونے تک بھون کر چولہا بند کر دیں۔
ہرا دھنیہ چھڑک کر مصالحہ دار چھولے پیش کریں۔
