مسجد الحرام مکہ مکرمہ میں حرمین شریفین اتھارٹی کی جانب اعتکاف کی تیاریاں شروع ہوگئی ہیں۔
غیر ملکی ذرائع ابلاغ کے مطابق اتھارٹی میں ادارہ امور رہنمائی اور فیلڈ گائیڈنس کے اسسٹنٹ ڈائریکٹر عبدالمحسن الغامدی کا کہنا ہے کہ اس بار مسجد الحرام میں تین ہزار افراد اعتکاف پر بیٹھیں گے۔
انہوں نے بتایا کہ اعتکاف کے لیے مخصوص جگہ کو معتکفین کے استقبال کے تیار کرلیا گیا ہے جہاں 2500 مرد اور 500 خواتین کی گنجائش رکھی گئی ہے۔
عبدالمحسن الغامدی کا کہنا تھا کہ ’معتکفین کو روزانہ تین کھانے فراہم کیے جائیں گے جنہیں صحت کے معیار اور ضوابط کے مطابق تیار کیا جائے گا۔
اعتکاف کے دوران مرد اور خواتین کے لیے طبی مراکز کی سہولت بھی فراہم کی جائے گی جبکہ معتکفین کو ایک کمبل، تکیہ، ذاتی استعمال کی اشیا اور سلیپنگ ماسک فراہم کیا جائے گا۔
عبدالمحسن الغامدی کا کہنا تھا کہ حرمین شریفین اتھارٹی کی ویب سائٹ پر اعتکاف کے لیے رجسٹریشن کا آغاز رمضان شروع ہونے کے ساتھ کردیا گیا تھا۔
مسجد نبوی ؐ کے دروازوں میں کیا خاصیت ہے؟
انہوں نے مزید کہا کہ’تصریح (اجازت نامہ) جاری ہونے کے بعد ہر معتکف کے لیے ذاتی سامان رکھنے کے لیے ایک لاکر مخصوص کردیا جائے گا، جبکہ آخری عشرے میں معتکفین کے لیے مختص جگہ پر علمی دروس، قرآنی حلقوں اور رہنمائی کے وسائل کی فراہمی کا اہتمام بھی کیا جائے گا۔‘
