روضہ رسولﷺ پر حاضری کے لیے یومیہ 16 ہزار سے زائد پرمٹ جاری کیے جارہے ہیں۔
مسجد نبوی شریف کی انتظامیہ کے مطابق روضہ رسول ﷺ پر حاضری کے لیے روزانہ 16 ہزار 980 پرمٹس جاری کیے جارہے ہیں جو کہ مرد و خواتین دونوں کے لیے ہیں۔
توکلنا اور اعتمرنا ایپس کے ذریعے آنے والے زائرین کو پرمٹس کا اجرا کیا جارہا ہے اور یہ سلسلہ پورا رمضان جاری رہے گا۔
انتظامیہ کا کہنا ہے کہ 20 رمضان المبارک تک روضہ رسول ﷺ کی زیارت کے لیے آنے والوں کو جاری کردہ پرمٹس کی تعداد 5 لاکھ 17 ہزار تک پہنچ جائے گی۔
رمضان کے آخری عشرے میں یومیہ 11 ہزار 95 پرمٹ جاری کیے جائیں گے۔ روضہ رسول ﷺ کی ریارت کے لیے آنے والے مرد حضرات کے لیے صبح کے وقت دروازہ نمبر 38 اور شام کے وقت دروازہ نمر 2 مختص کیا گیا ہے۔
خواتین زائر کو صبح کے اوقات میں دروازہ نمبر 24 اور شام کو دروازہ نمبر 24 اور 37 سے داخلے کی اجازت ہو گی۔
