مدینہ منورہ: مسجد نبویﷺ میں ماہ رمضان کے دوران اعتکاف کرنے والوں کےلیے جدید سہولیات سے آراستہ خصوصی کمرے تیار کیے گئے ہیں۔
تفصیلات کے مطابق مسجد نبویﷺ میں اس سال معتکفین کی ضروریات کو مدنظر رکھتے ہوئے کئی اہم سہولیات متعارف کرائی گئی ہیں، آرام دہ اور پرسکون عبادت کا ماحول فراہم کرنے کیلئے خصوصی کمرے بنائے گئے ہیں۔
کمروں پرمخصوص نمبر دیے گئے ہیں تاکہ افراد کو اپنی جگہ تلاش کرنے میں آسانی ہو، ہر کمرے میں 30 سے زائد افراد کی گنجائش رکھی گئی ہے۔
مسجد انتظامیہ کی جانب سے ہر معتکف کو کمبل، جائے نماز فراہم کی جا رہی ہے، سحری اور افطار کے لیے بھی معیاری اور صحت بخش کھانے فراہم کیے گئے ہیں۔
رمضان المبارک کے آخری عشرے کے دوران مسجد نبویﷺ کے مخصوص مقامات کو مکمل طور پر عبادت کے لیے وقف کر دیا گیا ہے۔
سعودی عرب: مدینہ منورہ سمیت متعدد شہروں میں بارشوں کا الرٹ جاری
