حرمین شریفین میں دینی امور کی انتظامیہ نے رمضان المبارک کے دوران طواف کرنے والوں کی تعداد میں اضافے کے پیش نظر مطوفین (طواف کرانے والوں) کی تعداد میں اضافہ کر دیا ہے۔
بین الاقوامی خبر رساں ادارے کی رپورٹ کے مطابق رمضان آپریشنل منصوبے کے مطابق مسجد الحرام میں ہر وقت 80 مطوف موجود ہوتے ہیں جو زائرین کو صحیح طریقے طواف کی ادائیگی میں رہنمائی فراہم کرتے ہیں۔
واضح رہے کہ طواف کرنے والوں کی رہنمائی کا کام دینی رہنمائی کے کاموں کے ضمن میں آتا ہے جس کے لیے شرعی قابلیت رکھنے والے سعودیوں کو مقرر کیا جاتا ہے۔
دینی امور کی انتظامیہ کے تحت حرم میں مطوفین کے سربراہ اور نائب کی جانب سے مطوفین کو مختلف مقامات پر تعینات کیا جاتا ہے جہاں وہ سہولت سے فائدہ اٹھانے کے خواہشمند زائرین کے لئے دستیاب ہوتے ہیں۔
سورج گرہن کے باعث کتنے روزے ہوں گے؟ ماہر فلکیات نے بتادیا
اس کے علاوہ عمرہ زائرین کو عمرہ کی ادائیگی میں سنت کی اتباع، شریعت کی پابندی اور دعاؤں کے اہتمام کی ترغیب دینا بھی مطوفین کی ذمہ داریوں میں شامل ہے۔
