The news is by your side.

Advertisement

سعودی عرب: فیکٹریوں میں ہر ہفتے لاکھوں ماسک تیار

ریاض: سعودی عرب میں متعدد فیکٹریاں دن رت ماسک تیار کر رہی ہیں، سعودی حکام نے اس حوالے سے شہریوں کو پریشان نہ ہونے کی تاکید کی ہے۔

سعودی ویب سائٹ کے مطابق سعودی عرب میں ماسک کی دستیابی یقینی بنانے کے لیے فیکٹریاں ہر ہفتے 38 لاکھ ماسک تیار کر رہی ہیں۔

سعودی فوڈ اینڈ ڈرگ اتھارٹی (ایس ایف ڈی اے) نے بتایا ہے کہ 8 سعودی فیکٹریاں دن رات ماسک کی تیاری میں مصروف ہیں۔

ایس ایف ڈی اے کے ترجمان تیسیر المفرج نے پریس کانفرنس کے دوران بتایا کہ 60 سعودی کارخانے 35 ملین لیٹر سے زیادہ سینی ٹائزر ہر ہفتے تیار کر رہے ہیں۔

المفرج نے مزید بتایا کہ 3 سعودی فیکٹریاں ہر ہفتے 94 ہزار 500 حفاظتی لباس تیار کر رہی ہیںِ اتھارٹی نے سعودی اسپتالوں میں 4 کلینیکل ٹرائلز کی منظوری دی ہے اس کی تفصیلات اتھارٹی نے اپنی ویب سائٹ پر جاری کردی ہیں۔

خیال رہے کہ سعودی حکام نے اس سے قبل کہا تھا کہ مملکت میں طبی ماسک بڑی تعداد میں موجود ہیں اور ان کی قلت نہیں ہوگی۔

حکام نے شہریوں اور سعودی عرب میں مقیم غیر ملکیوں کو اطمینان دلایا تھا کہ کرونا وائرس سے بچنے کے لیے طبی ماسک بڑی تعداد میں موجود ہیں لہٰذا ان کے لیے پریشان ہونے کی کوئی ضرورت نہیں۔

Comments

یہ بھی پڑھیں