واشنگٹن: امریکا میں بڑا ٹریفک حادثہ پیش آیا جہاں 100 سے زائد گاڑیاں سڑک پر آپس میں ٹکرا گئیں جس کے نتیجے میں 5 افراد ہلاک جبکہ درجنوں شدید زخمی ہوگئے۔
غیرملکی خبررساں ادارے کی رپورٹ کے مطابق امریکی ریاست ٹیکساس میں بارش اور برفباری کے بعد سڑک پر پھسلن کے باعث غیرمعمولی حادثہ پیش آیا، اس لرزہ خیز واقعے میں پانچ افراد ہلاک اور کئی زخمی ہوگئے۔ آپس میں ٹکرانے سے سو سے زائد گاڑیاں جن میں ٹرک اور ٹرالر بھی شامل ہیں تباہ ہوگئیں۔
رپورٹ کے مطابق خطرناک حادثے کے بعد ٹیکساس ہائی وے کو ٹریفک کے لیے بند کردیا گیا۔ ریسکیو عملے نے آپریشن کے دوران متاثرہ گاڑیوں کو ایک ایک کرکے الگ کیا۔
Y'all, this pileup in Fort Worth. 😬
At least five are dead, @fortworthpd said. @dallasnews will be updating all day.https://t.co/RwQUmivJoW pic.twitter.com/9k4vl0wIca
— Krista M. Torralva (@KMTorralva) February 11, 2021
حکام کا کہنا ہے کہ کئی زخمی افراد کو جائے حادثہ پر طبی امداد فراہم کی گئی جبکہ دیگر کا مقامی اسپتال میں علاج جاری ہے۔ حادثے سے متعلق وائرل ویڈیو میں کچھ گاڑیاں ہوا میں بھی اڑتی دکھائی دیں۔
حادثے میں پولیس اہلکار بھی زخمی ہوئے۔ ٹیکساس میں خراب موسم کے باعث متعلقہ ادارے نے شہریوں کو ہدایت کی ہے کہ وہ بلاضرورت گھر سے باہر نہ نکلیں۔
