میساچوسٹس: امریکا میں ایک مچھیرے کو شکار کے دوران ایک ایسی قدیم شے مل گئی جس نے اسے حیران کر دیا۔
تفصیلات کے مطابق امریکی ریاست میساچوسٹس میں نیوبری پورٹ کے ساحل سے ماہی گیر کو قدیم عظیم الجثہ ہاتھی میمتھ کا دانت مل گیا، جسے اب یوکرین سے بھاگ نکلنے والے لوگوں کو کھانا کھلانے میں مدد کے لیے نیلام کیا جا رہا ہے۔
رپورٹس کے مطابق ماہی گیر گروہ کے کپتان ٹم رائیڈر اپنے ساتھیوں کے ہمراہ مچھلیاں شکار کر رہے تھے کہ اس دوران انھوں نے دیکھا کہ ان کے جال میں کچھ عجیب سی چیز آگئی ہے۔
ٹم رائیڈر نے اپنے جال میں آنے والی چیز کو نیوہیمشائر بھیجا، جہاں یونیورسٹی کے ماہرین نے مختلف جائزوں کے بعد بتایا کہ یہ دراصل دانت ہے جو ہاتھی کی نسل کے ایک جانور میمتھ کا ہے، جو 12 ہزار سال قبل معدوم ہوگیا تھا۔
With the help of William Clyde, Professor of Geology within @UNH_CEPS and the @UNH_GradSchool, a local fishermen is helping Ukrainian refugees. https://t.co/6Accq5zqtO
— University of New Hampshire (@UofNH) March 9, 2022
ٹم رائیڈر نے اس دانت کو فروخت کر کے اس کی آمدنی یوکرین کے جنگ زدہ شہریوں کی امداد پر خرچ کرنے کا فیصلہ کیا ہے، اور اس مقصد کے ساتھ اسے بین الاقوامی ای کامرس ویب سائٹ ’ای بے‘ پر فروخت کے لیے پیش کیا گیا ہے، جہاں درجنوں افراد اسے خریدنے میں دل چسپی کر چکے ہیں۔
اب تک اس پر سب سے زیادہ بولی 7 ہزار 300 ڈالرز لگائی گئی ہے، جو پاکستانی کرنسی میں کم و بیش 13 لاکھ روپے بنتے ہیں۔
سائنس دانوں کا جنون، زمین سے فنا ہونے والا دیو قامت ہاتھی 6 برس بعد پہلی بار زندہ ہوگا
واضح رہے کہ میمتھ کی جسامت ہاتھی سے بھی کئی گنا بڑی ہوا کرتی تھی لیکن میمتھ کے جسم پر اونی کھال ہوا کرتی تھی۔
