اسرائیل کی جانب سے غزہ پر بدترین بمباری کے بعد شوبز انڈسٹری سے تعلق رکھنے والے افراد کی جانب سے بھی شدید مذمت کی جارہی ہے، ایسے میں اشنا کی جانب سے بھی اپنے رد عمل کا اظہار کیا گیا۔
اشنا شاہ کی جانب سے اپنے پیغام میں“آزاد فلسطین”اور“آزاد غزہ” کا ہیش ٹیگز بھی استعمال کیا گیا ہے۔
اشنا شاہ کا کہنا تھا کہ اسرائیلیوں کی حمایت کرنے والے اور سوشل میڈیا پر جعلی خبریں پوسٹ کرنے والے لوگ، جن کی جانب سے یہ تاثر دینے کی کوشش کی جارہی ہے کہ حماس بیدردی سے اسرائیلی خواتین اور بچوں کا قتل عام کررہا ہے۔
یہ وہ یہودی اور امریکی لوگ ہیں جنہیں میں میں جانتی ہوں، اشنا شاہ نے کہا کہ آپ کی پوسٹ سے آپ کی جہالت ظاہر ہو رہی ہے۔
اداکارہ کا کہنا تھا کہ آپ کی لا علمی اس بات کا واضح ثبوت ہے کہ آپ سمجھتے ہیں کہ یہودیوں کی زندگی عربوں سے زیادہ اہمیت رکھتی ہے۔ اگر آپ کا میڈیا اور کمیونٹی آپ کو تعصب کا شکار کر رہی ہے، تو یہ آپ پر ہے کہ آپ خود کو تعلیم دیں اور سچ کو پرکھیں۔
اشنا شاہ کا کہنا تھا کہ میں آپ کی طرف سے جو پوسٹس دیکھ رہی ہوں انہیں دیکھ کر کسی کا بھی دل دہل جائے، کیونکہ وہ ناقابل یقین حد تک غلط معلومات پر مبنی ہیں۔
اداکارہ نے مزید کہا کہ آپ میں سے بہت سے فنکار ہیں، آپ کو ہمدرد ہونا چاہیے او اس صہیونی ذہنیت سے نکلنا چاہیے اور انسانیت کی بات کرنی چاہئے۔
