ریاض: سعودی عرب میں محکمہ نگرانی وانسداد بدعنوانی مزید متحرک ہوگیا، کرپشن کے الزام میں اب تک 386 افراد کو گرفتار کرلیا جبکہ مزید گرفتاریوں کا سلسلہ بھی جاری ہے۔
عرب میڈیا کی رپورٹ کے مطابق سعودی عرب میں کرپشن اور اختیارات کے ناجائز استعمال پر اب تک 386 افراد کو گرفتار کیا جاچکا ہے جبکہ محکمہ نگرانی وانسداد بدعنوانی نے 475 افراد سے ملازمت کے اختیارات میں تجاوز کرنے پر تفتیش کی۔
رپورٹ میں کہا گیا ہے کہ بدعنوانی اور اختیارات کے ناجائز استعمال کے الزام میں گرفتار افراد کو مقامی عدالت میں پیش کیا گیا جہاں کئی افراد پر فرد جرم بھی عائد کردیا گیا ہے۔
کرپشن کے ملزمان نے مجموعی طور پر 170 ملین ریال کی خرد برد کی ہے۔
سعودی عرب میں ڈیڑھ ارب روپے کی کرپشن کس نے کی؟
محکمہ نگرانی وانسداد عنوانی نے خبردار کیا ہے کہ گرفتاریوں کا سلسلہ جاری رہے گا، سرکاری املاک کو نقصان پہنچانے اور قومی خزانے میں خرد برد کرنے والوں کو کسی صورت بخشا نہیں جائے گا۔
