واشنگٹن: امریکی ریاست ٹیکساس کے سب سے بڑے شہر ہیوسٹن میں زوردار دھماکے کے بعد علاقے میں خوف و ہراس پھیل گیا۔
امریکی میڈیا کے مطابق ہیوسٹن کا شمال مغربی علاقہ علی الصبح زوردار دھماکے سے گونج اٹھا اور لوگ خوف میں مبتلا ہوگئے، ابتدائی طور پر معلوم ہوا ہے کہ دھماکا ایک عمارت کے اندر ہوا۔
امریکی میڈیا کا کہنا ہے کہ دھماکا اس قدر شدید تھا کہ اس کی آواز دور دور تک سنی گئی، دھماکے سے عمارتوں کے شیشے ٹوٹ گئے اور قریب کھڑی گاڑیوں کو نقصان پہنچا۔
Explosion of building: 4500 Gessner. Patrol units blocking off streets in the area. HFD responding. #hounews #houtraffic CC8
— Houston Police (@houstonpolice) January 24, 2020
مقامی وقت کے مطابق دھماکا صبح چار بجکر 20 منٹ پر ہوا، دھماکے کے فوری بعد آگ بھڑک اٹھی جب کہ تباہ حال عمارت کا ملبہ پھیل گیا۔
مقامی افراد نے سوشل میڈیا پر دھماکے سے متعلق بتایا ہے کہ علاقےمیں آگ لگی اورملبہ نظرآرہاہے،گیس کی بوبھی آرہی ہے، پولیس اور ریسکیو ٹیمیں جائے دھماکا پر پہنچ چکی ہیں اور امدادی کارروائیاں جاری ہیں۔