The news is by your side.

Advertisement

لاہور: شاپنگ پلازہ میں دھماکا، کروڑوں مالیت کی دکانیں اور سامان جل کر خاکستر

لاہور : گلبرگ میں واقع نجی شاپنگ پلازہ میں آتشزدگی کے باعث پوری عمارت جل کر خاکستر ہو گئی  اور آگ سے کروڑوں روپے مالیت کا سامان اور دکانیں جل گئیں ۔

تفصیلات کے مطابق ہنجاب کے دارلحکومت لاہور میں رات گئے نجی پلازہ میں اچانک آگ بھڑک اٹھی، اطلاع ملنے پر ریسکیو کی امدادی ٹیموں نے موقع پر پہنچ کر آپریشن شروع کیا اور مسلسل سات گھنٹے کے آپریشن کے باوجود آگ پر مکمل طور پر قابو نہ پایا جاسکا۔

شاپنگ مال میں ایک دھماکہ بھی ہوا جس سے ہر طرف دھواں پھیل گیا ، جس کے بعد آگ پر قابو پانے کیلئے ریسکیو نے دیگر شہروں سے بھی امدادی ٹیمیں منگوا لیں اور کئی گھنٹوں کی جدوجہد کے بعد پلازہ کے چار فلوروں پر جزوی طور پر آگ پر قابو پا لیا گیا ، تاہم پلازہ کی بیسمنٹ اور چند جگہوں پر ابھی بھی آگ لگی ہوئی ہے۔

پلازہ میں چارسو سے زائد دکانیں تھیں، جس میں کروڑوں روپے مالیت کا سامان موجود تھا جو کہ آگ لگنے سے باعث جل کر خاکستر ہوگیا۔

آگ کی اطلاع ملنے پر رات گئے تاجر برداری موقع پر پہنچے، تاجروں کا کہنا تھا کہ یہ آگ پلازہ انتظامیہ کی نااہلی کی وجہ سے لگی ہے ، ہمارا مطالبہ ہے کہ پلازہ انتظامیہ پر مقدمہ درج کرکے ہمارا کروڑوں روپے کا نقصان پورا کیا جائے۔

ڈی سی لاہور نے کہا کہ پلازہ میں لگنے والی آگ پر انکوائری کی جائے اور ذمہ داروں کے خلاف کارروائی کی جائے گی۔

وزیر اعلی پنجاب نے گلبرگ کے پلازہ میں آتشزدگی کے واقعے کا نوٹس لیتے ہوئے تحقیقات کا حکم دے دیا اور متعلقہ اداروں سے رپورٹ طلب کرلی۔

Comments

یہ بھی پڑھیں