کیف: یوکرین میں پانی کی زیر زمین پائپ لائن پھٹنے سے سڑک دھماکے سے تباہ ہوگئی۔ دھماکے میں سڑک پر کھڑی گاڑیوں اور آس پاس موجود عمارتوں کو بھی نقصان پہنچا۔
یوکرین کے دارالحکومت کیف میں ایک پرسکون صبح اس وقت ہنگامہ خیز ہوگئی جب زیر زمین پانی کی پائپ لائن پھٹنے سے پورا علاقہ سیلاب کا منظر پیش کرنے لگا۔
عینی شاہدین کا کہنا ہے کہ انہوں نے زمین کو ہلتا ہوا محسوس کیا اور ایک گڑگڑاہٹ کی آواز سنائی دی۔ تاہم اس سے قبل کہ کوئی کچھ سمجھ پاتا سڑک ایک دھماکے سے پھٹی اور ٹکڑے ٹکڑے ہو کر فضا میں بکھر گئی۔
سڑک کے پھٹتے ہی دلدلی پانی کا ایک سیلاب امڈ آیا۔ واقعے میں قریب موجود عمارتوں کو نقصان پہنچا اور ان کی کھڑکیاں ٹوٹ گئیں۔ سڑک پر کھڑی گاڑیاں بھی تباہ ہوگئیں۔
پولیس کےمطابق واقعے میں خوش قسمتی سے کوئی شخص زخمی نہیں ہوا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
Comments
- Advertisement -
