The news is by your side.

Advertisement

پاکستان میں خودکش دھماکوں کا ماسٹر مائنڈ افغانستان میں مارا گیا

اسلام آباد : پاکستان میں خودکش دھماکوں کا ماسٹر مائنڈ نور گل افغانستان میں مارا گیا ، دہشت گرد پاکستان میں درجنوں خودکش حملوں اور ٹارگٹ کلنگ میں ملوث تھا۔

تفصیلات کے مطابق سیکیورٹی ذرائع کا کہنا ہے کہ پاکستان میں خودکش دھماکوں کا ماسٹر مائنڈ  افغانستان میں  مارا گیا، افغان صوبے میں کالعدم تنظیموں کے آپسی جھگڑےمیں ایک گاڑی کو ٹارگٹ کیا گیا ، بم دھماکے میں نور گل ، نائب امیرحاجی رشیدعرف ماماہلاک اور کمانڈر وحید گل زخمی ہوا۔

ذرائع کے مطابق نور گل پاکستان میں ہائی پروفائل دہشت گرد ی میں ملوث رہا ہے جبکہ دہشت گرد اسلام آبادہائیکورٹ خودکش حملے اور شاہ نورانی مزارپر خودکش حملوں کے ماسٹر مائنڈ بھی تھے۔

سیکیورٹی ذرائع نے بتایا کہ نورگل کالعدم جماعت الاحرار کے مالیاتی کمیشن کے سربراہ تھا، اس مالیاتی کمیشن کے ذریعےپاکستان میں دہشت گردوں کوفنڈنگ کی جاتی تھی۔

ذرائع کے مطابق دہشت گرد پاکستان میں درجنوں خودکش حملوں،ٹارگٹ کلنگ سمیت کوئٹہ میں سیکیورٹی فورسز پربھی حملوں میں ملوث ہیں۔

Comments

یہ بھی پڑھیں