The news is by your side.

Advertisement

آبِ زم زم کنوئیں کی تعمیرِنو کا کام مکمل، مطاف آج زائرین کیلئے کھول دیا جائےگا

مکہ مکرمہ : خانہ کعبہ میں چاہ زمزم کی تعمیر نو کا کام مکمل ہونے کے بعد بند کئے گئے حصے کو  آج  زائرین کے لئے کھول دیا جائے گا۔

تفصیلات کے مطابق مکہ مکرمہ میں مسجد حرام میں خانہ کعبہ کے گرد آب ز م زم  کے کنوئیں کی توسیعی مکمل کر لیا گیا ہے اور انتظامیہ کی جانب سے مطاف میں لگائی گئی رکاوٹیں ہٹانے کا کام کیا جارہا ہے، جس کے بعد مطاف آج زائرین کیلئے کھول دیا جائے گا۔

عبادت گزاروں کو کنویں تک رسائی دینے کے لیے دو سو پچاس سے زائد انجینئرز ، ٹیکنیشنز اور مزدوروں نے تعمیر نو میں حصہ لیا۔

کنویں کی تعمیرِ نو کا مقصد صفائی اور حفاظت کو یقینی بنانے کے ساتھ ساتھ پانی کو ذخیرہ اور پانی کی تقسیم کے نظام کو اپ گریڈ کرنا شامل ہے۔

خیال رہے کہ آب زم زم کے کنویں کی تعمیر کا کام گزشتہ سال اکتوبر سےجاری تھا، جس میں 3 ہزارمربع میٹر کے رقبے کو دوبارہ کھول کر زیر زمین آب ز م زم کی گزر گاہوں کو چوڑا کرکے وہاں جدید ٹیکنالوجی کے ذریعے اطراف کی دیواروں کو جراثیم کش آلات اور ادویات کے ذریعے صاف کیا گیا۔

اس دوران مطاف میں زائرین کے داخلے پر پابندی لگا دی گئی تھی، جو تعمیراتی کام مکمل ہونےکے بعد آج ختم کر دی جائے گی۔

یاد رہے کہ مسجدِ حرام میں کعبہ کے جنوب مشرق میں تقریباً 21 میٹر کے فاصلے پر تہہ خانے میں آب زمزم کا کنواں ہے، جو حضرت ابراہیم علیہ السلام اور حضرت ہاجرہ علیہ السلام کے شیر خوار بیٹے حضرت اسماعیل علیہ السلام کی ایڑیا رگڑنے کی جگہ سے پھوٹا۔

آب زمزم کا سب سے بڑا دہانہ حجر اسود کے پاس ہے جبکہ اذان کی جگہ کےعلاوہ صفا و مروہ کے مختلف مقامات سے بھی نکلتا ہے۔

سنہ1953ءتک تمام کنوؤں سے پانی ڈول کے ذریعے نکالاجاتا تھا مگر اب اس میں سے پانی نکالنےکے لیے جدید سسٹم نصب کردیا گیا ہے اور مسجد ِحرام کے اندر اور باہر مختلف مقامات پر آب زمزم کی سبیلیں لگادی گئی ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

Comments

comments

یہ بھی پڑھیں