کراچی: پاکستان اور سری لنکا کے درمیان ٹیسٹ سیریزکیلئےمیچ آفیشلزکی تعیناتی کا اعلان کردیا گیا۔
تفصیلات کے مطابق کرکٹ کے نگراں عالمی ادارے آئی سی سی نے پاکستان اور سری لنکا کے درمیان 2ٹیسٹ میچز کیلئےمیچ آفیشلز کے ناموں کا اعلان کردیا ہے۔
پہلےٹیسٹ میں مائیکل گف اور رچرڈکیٹل بروآن فیلڈامپائرزکی ذمہ داریاں نبھائیں گے، رچرڈایلنگ ورتھ تھرڈ، شوزب رضا فورتھ امپائر اور اینڈی پائی کرافٹ میچ ریفری مقرر کیے گئے ہیں۔
دوسرےمیچ کیلئےبروس اوکسن فورڈ اور جوئل ولسن آن فیلڈامپائرزہوں گے، گریگری بریتھ ویٹ تھرڈ اور احسن رضا فورتھ امپائر اور جیف کرو میچ ریفری کی ذمہ داریاں نبھائیں گے۔
پاکستان اورسری لنکاکےدرمیان پہلا ٹیسٹ میچ11 دسمبر سےشروع ہوگا جب کہ سیریز کا دوسرا ٹیسٹ میچ 19 سے 23 دسمبر تک کھیلاجائے گا۔
دورہ پاکستان کے لیے سری لنکن بورڈ نے تاحال پاکستان کو باضابطہ طور پر آگاہ نہیں کیا تاہم پی سی بی پرامید ہے کہ سری لنکن ٹیم پاکستان میں ہی سیریز کھیلے گی۔
