The news is by your side.

میچ کے دوران الجھنے پر آصف علی اور فرید احمد کی طلبی

شارجہ: ایشیا کپ میں پاک افغان میچ کے دوران الجھنے پر میچ ریفری نے قومی کرکٹر آصف علی اور افغان ٹیم کے کھلاڑی فریداحمد کو طلب کرلیا ہے۔

میڈیا رپورٹ کے مطابق ایشیا کپ سپر فور مرحلے کے اہم میچ کے آخری اور سنسنی خیز لمحات کے دوران دونوں ٹیموں کے کھلاڑیوں کے درمیان گرما کرمی دیکھنے میں آئی۔

میچ کے 18ویں اوورز میں آصف علی کو آؤٹ کرکے افغان فاسٹ بولر فرید احمد نےآصف علی کے سامنے آکر انہیں کچھ کہا اور ٖغصہ کا اظہار کرتے ہوئے مکا دکھایا، جس پرآصف علی نے انہیں بلا دکھایا۔ افغان بولرز کے رویے پر امپائر اور دیگر افغان کھلاڑیوں کو بیچ بچاؤ کروانے کے لیے آنا پڑا۔

میچ کے بعد میچ ریفری اینڈی پائی کرافٹ نے آصف علی اور فرید احمد کو طلب کرلیا ہے۔

خیال رہے کہ پاکستان نے افغانستان کو ایک وکٹ سے شکست دے کر ایشیا کپ کے فائنل میں رسائی حاصل کرلی ہے جبکہ افغانستان اور بھارت کی ٹیمیں ایونٹ سے باہر ہوگئی ہیں۔

Comments

یہ بھی پڑھیں